CHI ESSANS NUS?

RLR (Rumantschs Ladins Rigi) ais ün'uniun rumauntscha ed üna secziun da l'URB (Uniun da las Rumantschas e dals Rumantschs da la Svizra centrala).
Per quist motiv organisains nus ca. 10 activiteds da tuots geners sco p.ex. spassegiedas in bels contuorns da la Svizra centrala, nus fains visitas a lös culturels, cumüns o citeds interessantas o a monumaints speciels. Nus organisains eir visitas a concerts e teaters da lingua rumauntscha. Almain üna vouta l'an pisserains nus eir per la cultura rumantscha in fuorma da prelecziuns, referats, chaunt, musica ed oter pü. Tschainas, sairadas da divertimaint e da gös faun eir part da nos program. Però eir be ster in cumpagnia, mangiar üna buocheda, baiver ün süev, chantar e tavellar tuochan tar nossas activiteds.
 
La cultura rumauntscha ans sto a cour. In occasiun da nossas sairedas culturelas vain nus fingià pudieu salüder a bgers poets, piturs, scrivants rumauntschs. Tuots promovan in ün o l'oter möd nossa cultura sco p.ex. Andri Peer, Göri Klainguti, Cla Duri Bezzola, Linard Bardill, Ruth Plouda, Oscar Peer, Mic Feuerstein, Tista Murk, Benedict, Nina e Luis, Jaques Guidon, Jöri Murk, Men Steiner, ils Fränzlis da Tschlin, Jon Nuotclà, Peder Rizzi, Otmar Derungs, Peder e Flurin, Flurin Caviezel ed oters pü.